ఈ పుట ఆమోదించబడ్డది
రేకు: 0109-02 శంకరాభారణం సం: 02-050 వేంకటగానం
పల్లవి: అప్పఁడు దైవాలరాయఁ డాదిమూల మీతఁడు
యిప్పుడిట్టిమహిమల నెక్కుడాయ నీతఁడు
చ. 1: చేకొని తొలితొలుతే చేసిన పన్నీరుకాపు
జోకఁ గాలువలై సొరిది జార
సైకపునీలాద్రినుండి జలజల బారేటి-
రేకల సెలయేరులరీతి నున్న దిదివో
చ. 2: తెప్పలుగా గుప్పినట్టి తెల్లని కప్పురకాపు
చిప్పిలుచు వెన్నెలలై చిందఁగాను
పుప్పొడిఁదోఁగిన కల్పభూజము నిలుచున్న-
చొప్పున నున్నాఁడిదివో సొంపులు మీరుచును
చ. 3: పొందుగ నంతటిమీఁదఁ బూసిన పునుగుకాపు
కందువ మాణిక్యముల గనియైనట్టు
అంది శ్రీవేంకటేశ్వరు కదె యలమేలుమంగ
చెంది యరతఁ గట్టఁగా శ్రీవిభుఁడై నిలిచె
