ఈ పుట అచ్చుదిద్దబడ్డది
రేకు: 0175-01 దేవగాంధారి సం: 02-369 భక్తి
పల్లవి: సదానందము సర్వేశ్వర నీ-
పదారవిందముపై భక్తి
చ. 1: నయనానందము నరులకు సురులకు
జయమగు హరి నీసాకారము
నయమగు శ్రవణానందము వినినను
క్రియగలిగిన నీకీర్తనము
చ. 2: చెలఁగి యందరికి జిహ్వానందము
పలుమరుఁ గొను నీపస్రాదము
నలుగడ దేహానందము బుధులకు
బలు నీపాదప్రణామమములు
చ. 3: ధరఁ బరమానందము నీదాస్యము
గరిమల శ్రీవేంకటవిభుఁడా
నరహరి నిత్యానందము నినుఁ దగ-
నరవిరిఁ జేయు సమారాధనము
