ఈ పుట అచ్చుదిద్దబడ్డది
రేకు: 0172-06 నాట సం: 02-355 నృసింహ
పల్లవి: వాఁడె వో ప్రహ్లాదవరదుఁడు
వాఁడె వో భక్తవత్సలుఁడు
చ. 1: కోర దవడలతోడ కోటి సూర్యతేజముతో
హారకేయూరాది భూషణాంబరాలతో
చేరి బ్రహ్మాదులెల్లాను సేవలు సేయఁగాను
మేర మీరిన శిరుల మేడలో నున్నాఁడు
చ. 2: తెల్లని మేనితోడ తీగెనవ్వులతోడ
చల్లని గంధముల వాసనలతోడ
పెల్లుగా నారదాదులు పేరుకొని నుతించఁగా
వెల్లవిరిఁ గొలువై వేడుక నున్నాడు
చ. 3: సంకుఁజక్రముల తోడ జంట పూదండలతోడ
పొంకపు నానావిధ భోగములతో
అంకపు శ్రీవేంకటాద్రి నహోబలమునందు
అంకెలనే పొద్దూ నెలవై తానున్నాఁడు