ఈ పుట అచ్చుదిద్దబడ్డది
రేకు: 0172-03 లలిత సం: 02-352 వైష్ణవ భక్తి
పల్లవి: మనసు నమ్మనేర్చితే మనుజుఁడే దేవుఁడౌను
తనలోనే వున్నవాఁడు తావుకొని దైవము
చ. 1: మగనిపై బత్తిచేసి మగువ యొక్కరితె
తెగి పరలోకము సాధించీనట
వొగి వీరవైష్ణవుఁడై వున్నవాఁడు హరిఁ గొల్చి
అగపడి ఘనమోక్షమంద నోపఁడా
చ. 2: యేలికకై పగవారి నెదిరించి బంటొకఁడు
మేలైన పదవులంది మెరసీనట
వేళతో సుజ్ఞాని శ్రీవిష్ణుకైంకర్యాలుచేసి
కాలమందే యందరిలో ఘనుఁడు గానోపఁడా
చ. 3: పరమపురుషార్థపుపని చేసి యెుకరుఁడు
అరిది నధికపుణ్యుఁ డయ్యీనట
నిరతి శ్రీవేంకటేశ నిన్నుఁ బూజించి దాసుఁడు
పరము నిహముఁ జెంది బ్రదుకఁగ నోపఁడా
