పుట:తాళ్ళపాక పదసాహిత్యం - రెండవ భాగం.pdf/329

రేకు: 0168-01 భూపాళం సం: 02-328 అధ్యాత్మ

పల్లవి: ఇవి సేయఁగ నే నలసుఁడ యెటువలె మోక్షం బడిగెదెను
వివరముతోడుత నీవు సులభుఁడవు విష్ణుఁడ నిన్నే కొలిచెదఁ గాక

చ. 1: జపయజ్ఞదానకర్మంబులు యెంచఁగ జిరకాలఫలంబులు
యెపుడుఁ బుణ్యతీర్థస్నానములు యిల పాపవిమోచనములు
అపరిమిత దేవతాంతరభజనలు ఆయాలోకప్రాప్తులు
వుపవాసాది నియమవ్రతములు తపోనిష్ఠకుఁ గారణంబులు

చ. 2: రవిచంద్రగ్రహతారాబలములు భువిలోఁ గామ్యఫలములు
తవిలిన పంచేంద్రియనిగ్రహంబులు తనుధరులకు దుర్లభములు
అవిరళ ధర్మార్థకామంబులు మఱి యైశ్వర్యములకు మూలములు
అవల గ్రహణకాలానుష్ఠానము లధికఫలంబులు ఆశామయము

చ. 3: పరగ సప్తసంతానబ్రాహ్మ ణతర్పణములు ఖ్యాతిసుకృతములు
అరయఁ బుత్రదారక్షేత్రసంగ్రహ మందరికిని సంసారభోగము
హరి నరహరి శ్రీవేంకటేశ్వరా అఖిలము నొఁసగెడి దాతవు
సరుగన నీవే దయతో రక్షించఁజాలుదు వేకాలమును మమ్మును