ఈ పుట ఆమోదించబడ్డది
రేకు: 0166-02 రామక్రియ సం: 02-318 అధ్యాత్మ
పల్లవి: జతనము జతనము సర్వేశు నగరిది
బతుకుఁదోవ యిదె బడకరము
చ. 1: హృదయములోపల నీశ్వరుఁడున్నాఁడు
పదిలము మనసా బడకరము
తుద నల కామాదులఁ జొర నియ్యక
పదరక కావుము బడకరము
చ. 2: యెంచుకొనీనిదే యేలిక మిము నిఁక
పంచభూతములాల బడకరము
మించిన పురి తొమ్మిదివాకిళ్లను
పంచుక వున్నారు బడకరము
చ. 3: నడుమ నడుమఁ బ్రాణములాలా మీరు
బడివాయకుండరో బడకరము
యెడయక శ్రీవేంకటేశ్వరునకు మీరు
బడలక కొలువరో బడకరము