ఈ పుట ఆమోదించబడ్డది
రేకు: 0164-02 ముఖారి సం: 02-307 గురు వందన, నృసింహ
పల్లవి: దేవ నీవు గల్పించిన తెరువు లివి
నీవారైన వారి నేరుపులివి
చ. 1: పరమశాంతునకుఁ బాపము రాదు
విరతిగలవానికి వెరపు లేదు
గురుసేవారతునకుఁ గోపము రాదు
ధర సత్యవిదునకుఁ దప్పు లేదు
చ. 2: పుట్టు బ్రహ్మచారికి బుద్ధి చెడదు
అట్టె ఆసలేనివారికి అలపు లేదు
తొట్టిన సుజ్ఞానికి దుఃఖములేదు
గట్టియైన మౌనికి కలహమే లేదు
చ. 3: సమచిత్తునకును చంచలము గాదు
విమలాచారునకు వెలితి లేదు
నెమకి శ్రీవేంకటేశ నీదాసులై కొల్చి
భ్రమయనివారికి భారము లేదు