ఈ పుట ఆమోదించబడ్డది
రేకు: 0103-04 ముఖారి సం: 02-016 వైరాగ్య చింత
పల్లవి: వెనకేదో ముందరేదో వెఱ్ఱి నేను నా-
మనసు మరులు దేర మందేదొకో
చ. 1: చేరి మీఁదటిజన్మము సిరులకు నోమేఁ గాని
యే రూపై పుట్టుదునో యెఱఁగ నేను
కోరి నిద్రించఁ బరచుకొన నుద్యోగింతుఁ గాని
సారె లేతునో లేవనో జాడ దెలియ నేను
చ. 2: తెల్లవారినప్పుడెల్లా తెలిసితిననేఁ గాని
కల్లయేదో నిజమేదో కాన నేను
వల్ల చూచి కామినుల వలపించేఁ గాని
మొల్లమై నామేను ముదిసిన దెరఁగ
చ. 3: పాపాలు చేసి మఱచి బ్రదుకుచున్నాఁడఁ గాని
వైపుగఁ జిత్రగుప్తుడు వ్రాయు టెఱఁగ
యేపున శ్రీవేంకటేశు నెక్కడో వెతకేఁ గాని
నాపాలిదైవమని నన్నుఁ గాచు టెఱఁగ
