ఈ పుట ఆమోదించబడ్డది
రేకు: 0132-03 శంకరాభరణం సం: 02-129 భగవద్గీత కీర్తనలు
పల్లవి: నీవు సర్వసముడఁవు నీవు దేవదేవుఁడవు
ఈవల నాగుణదోషాలెంచ నిఁక నేలా
చ. 1: పూవులపైఁ గాసీఁ బొరి ముండ్లపైఁ గాసీని
ఆవల వెన్నెలకేమి హానివచ్చీనా
పావనుల నటు గాచి పాపపుంజమైన నన్నుఁ
గావఁగా నీకృపకునుఁ గడమయ్యీనా
చ. 2: గోపుమీఁద విసరీఁ గుక్కమీఁద విసరీని
పావనపు గాలికిని పాపమంటీనా
దేవతల రక్షించి దీనుఁడనైన నాకుఁ
దోవచూపి రక్షించితే దోసమయ్యీనా
చ. 3: కులజుని యింటనుండీ కులహీనుని యింటనుండీ
యిలలో నెండకు నేమి హీనమయ్యీనా
వలసి శ్రీవేంకటాద్రి వరములు యిచ్చి నాలో
నిలిచి వరములిచ్చి నేఁడు గావవే
