ఈ పుట ఆమోదించబడ్డది
రేకు: 0120-04 మలహరిసం: 02-118 వైరాగ్య చింత
పల్లవి: కొనమొద లేదో గుఱిగాన రొరులు
మునుకొను సంసారమోహాంధమందు
చ. 1: తలఁచును బ్రహ్మాండతతులకు నవ్వల
తలఁచేటి జీవుఁడు తా నణువు
అలరిన యాసల ననలునుఁ గొనలును
వెలసీ సంసారవృక్షములోన
చ. 2: పుట్టునుఁ బొదలును భువి బహురూపుల
పుట్టేటి యాతఁడు పారి నొకఁడే
వొట్టుక యీఁదును వుభయకర్మముల
చట్టెడు సంసారసాగరములను
చ. 3: తగులు నన్నిటా తనుభోగంబుల
తగిలేటి పురుషుఁడు తా ఘనుఁడు
నిగిడి శ్రీవేంకటనిలయుఁడు గతైతే
అగపడ సంసారానందమందు
