ఈ పుట అచ్చుదిద్దబడ్డది
రేకు: 0215-03 సాళంగనాట సం: 03-087 అధ్యాత్మ
పల్లవి:
ఇన్నియు ముగిసెను ఇటు నీలోననె
పన్ని పరుల జెప్పఁగఁ జోటేది
చ. 1:
కుందని నీరోమకూపంబులలో
గొందుల బ్రహ్మాండకోట్లట
యెందరు బ్రహ్మలో యెంత ప్రపంచమో
యిందుఁ బరులమని యెంచఁగనేది
చ. 2:
నీ కొనచూపున నెఱిఁ గోటిసూర్యు-
లేకమగుచు నుదయింతురటా
నీ కాయమెంతో నీ వునికేదో
నీకంటెఁ బరులని నిక్కఁగనేది
చ. 3:
జీవకోటి నీ చిన్నిమాయలో
ప్రోవులగుచు నటు పొడమెనటా
శ్రీవేంకటేశ్వర చెప్పఁగ నీవెంతో
ఆవలఁ బరులకు నాధిక్యమేది
