ఈ పుట ఆమోదించబడ్డది
రేకు: 0214-04 శ్రీరాగం సం: 03-082 శరణాగతి
పల్లవి:
పాటించి నమ్మినవారి భాగ్యము గాదా
కోటిసుద్దులేల యిదె కోరి చేకొనేది
చ. 1:
స్వామిద్రోహియైన చండి రావణాసురుఁడు
కామించి శరణంటేను కాచేనంటివి
యేమని నీదయ యెంతు నెంతని నీమహిమెంతు
ఆమాటకు సరియౌ నఖిలవేదములు
చ. 2:
దావతి సీతాద్రోహము దలఁచి కాకాసురుఁడు
కావుమని శరణంటేఁ గాచితివి
ఆవల నీపని యెట్టు అట్టే నీమన్నన యెట్టు
యీవల నీశరణనే ఇందుసరే తపము
చ. 3:
చిక్కులిన్నీ నిఁకనేల చేరి యేపాటివాఁడైన
గక్కన నీశరణంటేఁ గాతువు నీవు
అక్కరతో నిన్ను శరణంటిమి శ్రీవేంకటేశ
యెక్కువ నీ బిరుదుకు యీడా పుణ్యములు
