ఈ పుట ఆమోదించబడ్డది
రేకు: 0299-02 లలిత సం: 03-573 శరణాగతి
పల్లవి:
శ్రీపతి యొకఁడే శరణము మాకును
తేప యితఁడె మఱి తెరఁగేది
చ. 1:
ఆసలు మిగులా నాతుమ నున్నవి
యీసు లేని సుఖ మెక్కడిది
చేసిన పాపము చేతుల నున్నది
మోసపోని గతి ముందర నేది
చ. 2:
కోపము గొందుల గుణముల నున్నది
యేపున నిజసుఖ మిఁక నేది
దీపనాగ్నితోఁ దిరిగెటి దేహము
పైపై విరతికిఁ బట్టేది
చ. 3:
పంచేంద్రియముల పాలిటి బదు కిది
యించుక నిలుకడ కెడ యేది
యెంచఁగ శ్రీవేంకటేశ్వరుఁ డొకడే
పంచిన విధులను పాలించుఁ గాక
