ఈ పుట ఆమోదించబడ్డది
రేకు: 0296-02 శుద్ధవసంతం సం: 03-555 మాయ
పల్లవి:
కనుఁగొననిది హరి కల్పితము
తనకు నిందులోఁ దగినంతే
చ. 1:
నానాభేదములు నరుల గుణంబులు
నానారుచులివి నవపదార్థములు
ఔననేదేది యటు గాదనేదేది
వానివాని విధి వలసినయట్టు
చ. 2:
నడచుఁ బ్రపంచము నడుపే విధముల
నడచు మాయ లెన్నఁగరావు
విడిచేటివేఁటివి విడువనివేఁటివి
పడఁగఁబడఁగ నవి పరచినయట్లు
చ. 3:
తెగని కర్మములు దేహధర్మములు
తెగని యాసలివె దినదినము
తగు శ్రీవేంకటదైవము దాసులు
నగుదు రిన్నిటిని నటనలు చూచి
