ఈ పుట ఆమోదించబడ్డది
రేకు: 0294-03 లలిత సం: 03-544 విష్ణు కీర్తనం
పల్లవి:
విశ్వాత్మ నీ కంటె వేరేమియునుఁ గాన
ఐశ్వర్యమెల్ల నీ యతివ చందములే
చ. 1:
కలవు మతములు పెక్కు కర్మభేదములగుచు
కలవెల్ల నీయందె కల్పితములే
కలరు దేవతలు బహుగతుల మహిమల మెరయు
అలరి వారెల్ల నీ యంగభేదములే
చ. 2:
ఘనమంత్రములు పెక్కు గలవు వరముల నొసఁగు
ననిచి యవియెల్ల నీ నామంబులే
పెనగొన్న జంతువులు పెక్కులెన్నే గలవు
పనిగొన్న నీ దాసపరికరములే
చ. 3:
యెందును దగులువడ కేకరూపని నిన్ను
కందువఁ గొలుచువాఁడే ఘనపుణ్యుఁడు
అందపు శ్రీవేంకటాద్రీశ అన్నిటా-
నందినపొందినవెల్లా హరి నీయనుమతే
