ఈ పుట ఆమోదించబడ్డది
రేకు: 0294-01 శంకరాభరణం సం: 03-542 విష్ణు కీర్తనం
పల్లవి:
చవిచేసుక యిటు జరగెదము
జవదాఁటకురో సంసారులార
చ. 1:
యేదిచూచినా నెరవెరవే
పోదిఁ గూడఁగా పొదపింతే
ఆదికినాది హరి యొకఁడే
పాదుగఁ బుట్టెడి భవములె వేరు
చ. 2:
కలుములు లేములు కతలింతే
నిలుకడ గలచో నిజమౌను
యిలయును జగమును యిదే యిదే
తెలిసి చూడఁగా దినములే ఘనము
చ. 3:
చెంతల నిందరు జీవులే
బంతులఁ బుణ్యముఁ బాపమునే
యింతట శ్రీవేంకటేశ్వరుఁడే
కాంతలుఁ బురుషుల గతులై నిలిచె
