ఈ పుట ఆమోదించబడ్డది
రేకు: 0293-01 లలిత సం: 03-536 విష్ణు కీర్తనం
పల్లవి:
ఈతని నెఱఁగకుంటే నిల స్వామిద్రోహము
ఘాతల నేఱు గుడిచి కాలువ పొగడుట
చ. 1:
హరిపాదముననే యడఁగె లోకములెల్ల
హరినాభినే పొడమి రదివో బ్రహ్మాదులు
హరినామము వేదాల కాదియు నంత్యమునాయ
హరిదాసులే వశిష్ఠాదు లిందరును
చ. 2:
విష్ణుఁడే యమృత మిచ్చె విష్ణుడే ధరణి మోఁచె
విష్ణువాజ్ఞ నడచేది విశ్వ మింతాను
విష్ణుచక్రమున దైత్యవీరులెల్లా నడఁగిరి
విష్ణువు ముఖమునందే విప్రులు జనించిరి
చ. 3:
పరమపు శ్రీపతివే భారతరామాయణాలు
పరమాత్ముఁ డితఁడే పలుజీవుల యందెల్లా
పరము చేచేతఁ జూపె పట్టి శ్రీవేంకటేశుఁడు
పరమానంద మొసఁగు భక్తులకు నితఁడు