ఈ పుట ఆమోదించబడ్డది
రేకు: 0289-01 సాళంగనాట సం: 03-512 తేరు
పల్లవి:
చూడరో చూడరో నేఁడు సురలార నరులార
దాడివోయి దనుజుల దండించి తా వచ్చె
చ. 1:
వాయు వేగమున వచ్చె వనజాక్షు నరదము
వేయిసూర్యుల ప్రతాపవిభవముతో
చాయల చక్రవాళాద్రి సముద్రాలు దాఁటి వచ్చె
ఆయితమై పైఁడిటెక్కే లవే కానవచ్చె
చ. 2:
మునుకొని మనో వేగమున వచ్చె హరితేరు
తనరారు కోటిచంద్రప్రభలతో
వెనుకొని దిక్కులెల్లా విజయము సేసి వచ్చె
కనకాచలముతో గక్కన సరివచ్చె
చ. 3:
గరుడవేగాన శ్రీవేంకటేశు రథము వచ్చె
మరగిన యల మేలుమంగసిరితో
ధరలోన వీధులేఁగి తన నెలవుకు వచ్చె
పరగ హరిదాసుల పంతములు వచ్చె
