పుట:తాళ్ళపాక పదసాహిత్యం - మూడవ భాగం.pdf/480

రేకు: 0283-03 వరాళి సం: 03-478 వైరాగ్య చింత

పల్లవి :⁠

విత్తాకటి పెట్టితేను వేరొకటి మొలచునా యెత్తిన శ్రీహరి నీవే యీడేర్చవయ్యా

⁠

చ. 1:⁠

పాపపుణ్యదేహికి బంధములే సహజము యేపునఁ గాదని తోయ నెట్టువచ్చును పూపవంటి మనసుకు భోగములే సహజము తేపగా విరతి యెందుఁ దెచ్చుకొనేమయ్యా

⁠

చ. 2:⁠

మాయల జన్మమునకు మమతలే సహజము యేయెడఁ జోరక మాననెట్టువచ్చును కాయవంటి గుణానకు కర్మమే సహజము చాయల నే మెటువలె శాంతిఁ బొందేమయ్యా

⁠

చ. 3:⁠

తప్పని జ్ఞానమునకు దైవమే సహజము యెప్పుడు స్వతంత్రుఁడుగా నెట్టువచ్చును నెప్పున శ్రీవేంకటేశ నీ మహిమే ఇంతాను చెప్పఁజూపఁ జోటులేదు చేరివుండేమయ్యా

⁠