రేకు: 0282-06 మాళవి సం: 03-475 గురు వందన, నృసింహ
| పల్లవి : |
నారాయణాచ్యుతానంత నిన్నొకచోట
గోరి వెదకనేల వీరివల్లఁ గంటిఁబో
|
|
| చ. 1: |
సొలసి నీ రూపము శ్రుతులలోఁ జెప్పుఁ గాని
బలిమి నాచార్యుఁడైతేఁ బ్రత్యక్షము
పలికి నీ తీర్థము భావనలందే కాని
అల నీ దాసుల మరచేత నిదివో
|
|
| చ. 2: |
నీ యానతు లెన్నఁడు నేము దెలియము గాని
మా యాచార్యునిమాట మంత్రరాజము
కాయములో నీ వుండేది కడు మఱఁగులు గాని
యీయెడ నీ పరికర మిన్నిటా నున్నదివో
|
|
| చ. 3: |
అరిది నీవందన మొకర్చావతారానఁ గాని
గురుపరంపరనై తేఁ గోట్లాయఁ బో
హరి నిన్ను శ్రీవేంకటాద్రినే చూచితిఁ గాని
పరమున నిహమునఁ బంచి చూపె నతఁడు
|
|
