రేకు: 0281-02 బౌళి సం: 03-466 వైష్ణవ భక్తి
| పల్లవి : |
పారవేసిన పుల్లాకు బండికల్లై మించినట్లు
కోరి నీ ముద్రలు మోచి కొండగొంటి నిదివో
|
|
| చ. 1: |
మూఁడుగుణములలోన మునిఁగేటివాఁడఁగాన
పోఁడిమి నాకొక బుద్ధి పుట్టదెందును
నేఁడు నీ శరణమనే నిశ్చయ మిచ్చితి గాన
వాఁడిమి నిన్నిటా నేఁ బావనమైతి నిదివో
|
|
| చ. 2: |
పంచభూతాల తనువు పాటించి మోచితిఁగాన
పంచేంద్రియ వికారాలు పాయవు నాకు
యెంచఁగ నీదాస్యము నా కినామిచ్చితిగాన
పంచల నా పుట్టుగు సఫలమాయ నిదివో
|
|
| చ. 3: |
తగిలి ఇన్నిటికి స్వతంత్రుఁడనేఁ గాను గాన
జిగి నిన్ను నెరిఁగి పూజించలేను
నగుతా శ్రీవేంకటేశ నాలో నుండుదుగాన
పగటున నిన్ను నమ్మి బ్రదికితి నిదివో
|
|
