ఈ పుట అచ్చుదిద్దబడ్డది
రేకు: 0201-03 సాళంగనాట సం: 03-003 నామ సంకీర్తన
పల్లవి:
గెలిచితి భవములు గెలిచితి లోకము
యెలమి నీ దాసుల కెదురింక నేది
చ. 1:
జయ జయ నరసింహా జయ పుండరీకాక్ష
జయ జయ మురహర జయ ముకుంద
భయహరణము మాకుఁ బాపనాశనము
క్రియతోడి నీ సంకీర్తన గలగె
చ. 2:
నమో నమో దేవ నమో నాగపర్యంక
నమో వేదమూర్తి నారాయణా
తిమిరి మమ్ముఁ గావఁగ దిక్కయి మాకు నిలువ
జమళి భుజముల శంకుఁజక్రముల గలిగె
చ. 3:
రక్ష రక్ష పరమాత్మ రక్ష శ్రీవేంకటపతి
రక్ష రక్ష కమలారమణ పతి
అక్షయ సుఖమియ్యఁగల న(వ?)టు దాపుదండగా
పక్షివహనుఁడ నీభ క్తి మాకుఁ గలిగె
