ఈ పుట అచ్చుదిద్దబడ్డది
రేకు: 0206-06 దేవగాంధారి సం: 03-036 కృష్ణ
పల్లవి:
పట్టరో వీదులఁ బరువులు వెట్టి
పుట్టుగులతో హరి పొలసీ వీఁడే
చ. 1:
వేవేలు నేరాలు వెదకేటి దేవుడు
ఆవులఁ గాచీ నలవాఁడే
పోవుగ బ్రాహ్మలఁ బుట్టించు దేవుఁడు
సోవల యశోదసుతుఁడట వీఁడే
చ. 2:
ఘనయజ్ఞములకుఁ గర్తగు దేవుఁడు
కినిసి వెన్న దొంగిలె వీఁడే
మునుల చి త్తముల మూలపుదేవుఁడు
యెనసీ గొల్లెతల యింటింట వీఁడే
చ. 3:
నుడిగి నారదుఁడు నుతించు దేవుఁడు
బడి రోలఁ గట్టువడె వీఁడే
వుడినోని వరము లొసఁగెడు దేవుఁడు
కడఁగిన శ్రీవేంకటగిరి వీఁడే