రేకు: 0258-04 దేవగాంధారి సం: 03-334 వైరాగ్య చింత
| పల్లవి : |
ఇంకనైనా రోయరాదా యీపాటీవార మింతే
మంకుఁదనమేల మామాట వినరాదా
|
|
| చ. 1: |
తోలుబొంత గట్టుకొన్నదొర నింతే నన్ను నీవు
కూళసంసారమా యేల కొసరేవు
యీలకొన్న యెముకల ఇంటిలో కాఁపుర మింతే
యేల మాయ వెంటఁబెట్టే వేమి గద్దు నీకును
|
|
| చ. 2: |
పంచభూతపు చుట్టాల బదుకులోవాఁడ నింతే
యెంచ కింద్రియయాచకు లేల వచ్చేరు
కంచపు గాలావటించే కలిమిలోవార మింతే
చంచలపుటాసలు చేయి చాఁచనేఁటికి
|
|
| చ. 3: |
నెత్తురుజలదుర్గాన నిలిచినవాఁడ నింతే
జొత్తుఁబాపములు యేల చోటడిగేరు
హత్తిన శ్రీవేంకటేశుఁడాత్మలోన నున్నవాఁడు
మత్తపుటజ్ఞానమా మమ్మేమి చూచేవు
|
|
