రేకు: 0256-04 లలిత సం: 03-323 వైరాగ్య చింత
పల్లవి : |
ఇంతగాలమాయ నన్ను యేమీ నన్నవారు లేరు
చింత సంసారపుమాయఁ జిక్కించనే కాని
|
|
చ. 1: |
యెందరు బ్రహ్మలో నన్నుయిటు పుట్టించినవారు
యెందరు యములో హరియించినవారు
యిందుకు నందుకేకాని యిల నేఁ జేసిన పాప-
మంది వహించుక కాచినట్టివారు లేరు
|
|
చ. 2: |
తల్లిదండ్రులెందరో తనువు వెంచినవారు
కొల్లగా సతులెందరో కూడినవారు
చిల్లర పనికే కాని చేరఁబిలిచి వైకుంఠ-
ముల్లసాన నిచ్చేవారు వొకరూ లేరు
|
|
చ. 3: |
కాలమును వీటిఁబోయె కర్మమునుఁ దెగదాయ
మూలనుండి యెవ్వరికి మొరవెట్టేను
అలించి శ్రీవేంకటేశ అంతరాత్మవై నన్ను-
నేలితివి యింతపని కెవ్వరును లేరు
|
|