పుట:తాళ్ళపాక పదసాహిత్యం - మూడవ భాగం.pdf/323

రేకు: 0256-02 రామక్రియ సం: 03-321 విష్ణు కీర్తనం

పల్లవి :⁠

పలుదెరువులు నీకుఁ బాటించఁజెల్లును వొలిసి మీదాసులవుటొక్కటే మాతెరువు

⁠

చ. 1:⁠

హరి నీకు జీవరాసులందరును సరియే సురల కెక్కుడు నీవు చూడ మాకైతే యిరవులు గలవు నీ కెక్కడ చూచినను అరిది నీ శ్రీపాదాలందె మాయిరవు

⁠

చ. 2:⁠

నందగోపాదులకెల్ల నందనుఁడవు నీవు యిందరికిఁ దండ్రివి మా కిటు నీవైతే అందిన శబరివిందు అఖిలభాగ్యము నీకు చిందిన నీ ప్రసాదమే సిరులిచ్చె మాకును

⁠

చ. 3:⁠

అచ్చుగ మునులు రు(ఋ?)షులందరును నీబంట్లే తచ్చిన యేలికలు నీదాసులు మాకు యిచ్చల శ్రీవేంకటేశ యిహపరమెల్లా నీవు చొచ్చితిమి నీమరఁగు సూదివెంట దారమై

⁠