రేకు: 0253-02 బౌళి సం: 03-303 అధ్యాత్మ, గురు వందన
| పల్లవి : |
హరి దగ్గరనే వున్నాఁ డందాఁకఁ బారనీదు
కురచలోనే మగుడు గోవిందు మాయ
|
|
| చ. 1: |
చెనకి పంచేంద్రియపు చెరువు లైదింటికి
మనసనెడి దొకటి మహా ప్రవాహము
దినముఁ బారుచునుండు దిగువకు వెళ్లలేదు
తనలోనే తానిగురు దైవమాయ
|
|
| చ. 2: |
తూలని పంచభూతాల తోఁట లైదింటికి
కాలమనియెడి దొక్కకాలువ వారుచునుండు
నేలాఁ దడియదు నీరూఁ దివియదు
తోలుఁదిత్తికే కొలఁది దొరకొన్న మాయ
|
|
| చ. 3: |
ముట్టి పంచప్రాణముల మొలక లైదింటికి
పుట్టుగులనియేటి యేరు పొదలి పారుచునుండు
చెట్టుచెట్టుకే కొలఁది శ్రీవేంకటేశ్వరుఁడు
నట్టనడుమ నున్నాఁడు నాననీదు మాయ
|
|
