ఈ పుట ఆమోదించబడ్డది
రేకు: 0252-02 ధన్నాసి సం: 03-297 నామ సంకీర్తన
పల్లవి:
ఎందుకుఁ బనిగొందము యేమి సేతమివి యెల్లా
చెందిన మాకిఁక బుద్ది చెప్పవే నారాయణా
చ. 1:
హరినామ మొకటనే అణఁగెఁ బాపములు
వొరసి యన్నినామము లూరకున్నవి
సిరులిచ్చెఁ గలవెల్లా శ్రీపతినామ మొకటే
పెరనామములెల్లా పెట్టెలలో నున్నవి
చ. 2:
గోవిందనామ మొకటే కూడపోసెఁ బుణ్యములు
వేవేలు నామములకు వెలలున్నవా
శ్రీవిష్ణునామ మొకటే చేతికిచ్చె వైకుంఠము
తావైయున్న నామములు తమకించీ నీవికి
చ. 3:
ఇత్తల కేశవునామ మియ్యఁగలవెల్లా నిచ్చె
పొత్తుల నామములెల్లాఁ బొంచుకున్నవి
చిత్తమున నిన్నుఁ జూపె శ్రీవేంకటేశ నామమే
హత్తిన నామములెల్లా నందులోనే వున్నవి
