ఈ పుట ఆమోదించబడ్డది
రేకు: 0250-01 సామవరాళి సం: 03-284 వైష్ణవ భక్తి
పల్లవి:
దైవమా నీ వెలితేది తమ వెలితేకాని
జీవుల(లు?) పట్టిన కొల్ల చేతిలోనే వున్నది
చ. 1:
నిండినవి జగముల నీ నామము లనంతము-
లండఁ దలఁచేవార భాగ్యమే కాని
పండియున్నదిదె దేవభక్తి యెందు చూచినాను
దండితోడఁ బనిగొనే తమ నేర్పేకాని
చ. 2:
మనసులలో నున్నది మరి నీపై జ్ఞానము
వొనరఁ దెలిసేవారి వోపికేకాని
ఘనమైన మున్నిటి నీ కథలెల్లా నున్నవి
విన నేరిచినవారి వివేకమే కాని
చ. 3:
శ్రీవేంకటేశ మీ ముద్ర చెల్లుబడై వున్నది
వేవేగ ధరించేవారి వేడుకే కాని
తావుకొని చేరువ నీదాస్యమిట్టే వున్నది
భావించి నమ్మేటివారి పని యింతే కాని