ఈ పుట ఆమోదించబడ్డది
రేకు: 0249-02 ముఖారి సం: 03-279 భక్తి
పల్లవి:
సులభపు మార్గములు చుట్టిరానే వుండఁగాను
బలు ప్రయాసపు కర్మబద్దులైరి జీవులు
చ. 1:
శ్రీపతిభక్తియనేటి చింతామణి వుండఁగాను
యేపున మోసపొయ్యేరు యేలో జీవులు
చేపట్టి నామాంకితపు సిద్ధరసము గలిగి
కోపుల నుడిగి పనిగొనరేలో జీవులు
చ. 2:
అక్కడనే శరణాగతనే వోడ వుండఁగాను
యెక్కి భవవార్ధి దాఁటరేలో జీవులు
తక్కక దాస్యమనేటి ధనము దమకుండఁగా
లెక్కించి కూడపెట్టుకోలేరు యేలో జీవులు
చ. 3:
అటె శ్రీవేంకటేశుఁ డంతరాత్మై వుండఁగాను
పట్టి కొలువరేలో పైపై జీవులు
పట్టపు హరిదాసులు ప్రత్యక్షమై వుండఁగాను
యిట్టే వారికృప చేరుటెన్నఁడో యీజీవులు