ఈ పుట ఆమోదించబడ్డది
రేకు: 0248-05 లలిత సం: 03-276 మనసా
పల్లవి:
వెఱవకు మనసా విష్ణుని యభయము
నెఱవుగ నెదుటనె నిలిచినది
చ. 1:
శ్రీపతి కరుణే జీవరాసులకు
దాపును దండై తగిలినది
పైపై దేవుని బలుసంకల్పమే
చేపట్టి రక్షించఁ జెలఁగేది
చ. 2:
నలినోదరు నిజనామాంకితమే
యిలపై దాసుల నేలేది
కలిభంజను శంఖచక్రలాంఛన-
మలవడి శుభముల నందించేది
చ. 3:
శ్రీవేంకటపతి సేసిన చేఁతలే
వేవేలు విధుల వెలసేది
భూవిభుఁ డీతఁడు పూఁచినమహిమలే
కైవశమై మముఁ గాచేవి