ఈ పుట ఆమోదించబడ్డది
రేకు: 0246-04 దేసాళం సం: 03-263 అధ్యాత్మ
పల్లవి:
వానివాని సహజము వద్దననేల
యీనేటి ప్రపంచ మది యేమి సేయఁగలదు
చ. 1:
హరి పుట్టించినయట్టి ఆయాప్రకృతులను
విరసాలఁ దిప్పెమంటే వేరొకటౌనా
పరమజ్ఞాన మొక్కటే పాటించితేఁ జాలు
యెరవుల పుణ్య పాపాలేమి సేయఁగలవు
చ. 2:
బలువుగ విష్ణు మాయఁ బ్రబలే సంసారమును
చలమున దిద్దఁబోతేఁ జక్కనౌనా
తెలివితో హరిభ క్తి తెగక వుండితేఁ జాలు
యిలపైఁ బంచేంద్రియములేమి సేయఁగలవు
చ. 3:
శ్రీవేంకటేశుఁ డాత్మఁ జేకొని వుండినది
భావించకున్న నాతఁడు బడివాసీనా
సావధానాన నీతని శరణనుకొంటేఁ జాలు
యే విధులు భవములునేమి సేయఁగలవు