ఈ పుట ఆమోదించబడ్డది
రేకు: 0241-01 రామక్రియ సం: 03-233 రామ
పల్లవి:
రాముఁడు లోకాభిరాముఁడు
ఆముక విజనగరమందు నున్నవాఁడు
చ. 1:
చక్కఁదనములవాఁడు జానకీవల్లభుఁడు
గక్కన శబరిపూజ గైకొన్నవాఁడు
వెక్కసమైన పైడివిల్లునమ్ములవాఁడు
రక్కసులవైరి దశరథనందనుండు
చ. 2:
శరధి గట్టినవాఁడు చాయ నల్లనివాఁడు
యిరవై సుగ్రీవాదుల నేలినవాఁడు
సరి భరతశత్రుఘ్నసౌమిత్రి సేవితుఁడు
అరిది మునుల కభయమిచ్చినవాఁడు
చ. 3:
అట్టె కౌసల్యాత్మజుఁడు అయోధ్యాపతైనవాఁడు
వొట్టి తారకబ్రహ్మమై వుండేటివాఁడు
గుట్టుతో వరములిచ్చేకోనేటిదండవాఁడు
పట్టపు శ్రీవేంకటాద్రిఁ బరగినవాఁడు
