ఈ పుట అచ్చుదిద్దబడ్డది
రేకు: 0204-03 రామక్రియ సం: 03-021 కళ్యాణ కీర్తనలు
పల్లవి:
గరుడధ్వజం బెక్కె కమలాక్షు పెండ్లికి
పరుష లదివో వచ్చెఁ బైపై సేవించను
చ. 1:
పాడిరి సోబాన నదే భారతియు గిరిజయు
ఆడిరి రంభాదులై న అచ్చరలెల్ల
కూడిరి దేవతలెల్ల గుంపులై శ్రీవేంకటాద్రి
వేడుకలు మీరఁగ శ్రీవిభుని పెండ్లికిని
చ. 2:
కురిసెఁ బువ్వులవాన కుప్పలై యెందు చూచిన
మొరసె దేవదుందుభి మోఁతలెల్లను
బెరసె సంపదలెల్ల పెంటలై శ్రీవేంకటాద్రి
తిరమై మించిన దేవదేవుని పెండ్లికిని
చ. 3:
వేసిరి కానుకలెల్ల వేవేలు కొప్పెరల
పోసిరదే తలఁబ్రాలు పుణ్యసతులు
ఆసల శ్రీవేంకటేశుఁ డలమేలుమంగఁ దాను
సేసలు వెట్టినయట్టి సింగారపు పెండ్లికి