ఈ పుట ఆమోదించబడ్డది
రేకు: 0237-04 శుద్ధవసంతం సం: 03-213 అధ్యాత్మ
పల్లవి:
లే దందువల్లఁ దెలివి యెన్నటికిని
నీదయ నాపై నించినఁ గాని
చ. 1:
అరయఁగఁ బ్రపంచ మలవడినటువలె
అరుదగు వై రాగ్య మలవడదు
తరుణులరతి మతిఁ దలఁచినయటువలె
ధర నీ సాకారము దలఁచదు మనసు
చ. 2:
గొనకొన్న యర్థము గోరినయటువలె
కొనయగు మోక్షము గోరదు
తనుభోగములకుఁ దగిలినయటువలె
తనిసి నీకథలకుఁ దనియదు మనసు
చ. 3:
చలమును బాపము చవియైనటువలె
సలలితపుణ్యము చవిగాదు
సులభ శ్రీవేంకటేశుఁడ నీమహిమిది
గలిగితివి నాకుఁ గలఁగదు మనసు
