ఈ పుట ఆమోదించబడ్డది
రేకు: 0237-02 దేసాక్షి సం: 03-211 అధ్యాత్మ
పల్లవి:
ఇట్టె జ్ఞానమాత్రమున నెవ్వరైనా ముక్తులే
పుట్టుగులు మరి లేవు పొందుదురు మోక్షము
చ. 1:
అతిసూక్ష్మ మీయాత్మ అందులో హరి యున్నాఁడు
కతలే వినుటగాని కానరాదు
క్షితి దేహాలు ప్రకృతిఁ జెందిన వికారములు
మతి నిది దెలియుటే మహిత సుజ్ఞానము
చ. 2:
లోకము శ్రీపతియాజ్ఞలో తత్త్వా లిరువదినాల్గు
కైకొని సేఁతలు సేసీఁ గర్తలు లేరు
సాకిరింతే జీవుఁడు స్వతంత్రుఁడు దేవుఁడు
యీకొలఁది గని సుఖియించుటే సుజ్ఞానము
చ. 3:
కాలము దైవము సృష్టి కలి మన్యుల భాగ్యము (?)
వాలాయించి యెవ్వరికి వచింపరాదు
యీలీలలు శ్రీవేంకటేశునివి ఆచార్యుఁడు
తాలిమిఁ జెప్పగా విని తలఁచుటే సుజ్ఞానము