ఈ పుట ఆమోదించబడ్డది
రేకు: 0236-05 సామంతం సం: 03-208 శరణాగతి
పల్లవి:
మాయామయములివి మాయకు నీ వేలికవు
చాయకుఁ దెచ్చేనంటే స్వతంత్రుఁడ నయ్యేనా
చ. 1:
తెగని కోరిక తానే తీఁగెవలె నల్లుకోఁగా
తగదని మానుప నా తరమయ్యీనా
వగలఁ గోపము పామువలె నాలుక చాఁచఁగ
పగటు తోడఁ దొడికి పట్టఁగ నేరుతునా
చ. 2:
వయసు తానే మేఘమువలె సోన గురియఁగా
జయించి నే దాని నణఁచఁగ నోపేనా
లయించక లోభము జలఁగవలెఁ బీరుచఁగా
నియమించి మట్టుపెట్ట నేఁడు నాకు వసమా
చ. 3:
యేపున గర్వము దానే యేనుగవలె మీరఁగా
చేపట్టి చిక్కించుకో నాచేత లోనౌనా
యేపొద్దు శ్రీవేంకటేశ యివి వాని స్వభావాలు
కాపాడవే నన్ను నే నెక్కఁడా నీ దాఁసుడను