ఈ పుట ఆమోదించబడ్డది
రేకు: 0236-01 వరాళి సం: 03-204 అధ్యాత్మ
పల్లవి:
ఎన్నఁడు వివేకించే దీడేరె దెన్నఁడు
యెన్నిలేవు జీవిపాట్లేమి చెప్పే దిఁకను
చ. 1:
నరజన్మమునఁ బుట్టి నానాభోగాలు మరిగి
హరి నెరఁగక మత్తుఁడై వుండును
సురలోకము చొచ్చి సుకృతి ఫలములంది
గరిమ విజ్ఞానమార్గము విచారించఁడు
చ. 2:
పెక్కుగాలము బ్రతికి పెనుఁగోరికలే కోరి
అక్కడ విష్ణుఁ గొల్వక అలసుఁడౌను
మిక్కిలిఁ దపముచేసి మించైనఘనత కెక్కి
తక్కక పరమమైన తత్త్వము దెలియఁడు
చ. 3:
వేవేలుబుద్దులు నేర్చి వేడుక సంసారియై
శ్రీవేంకటేశుఁ జెందక చింతఁ గుందును
దైవ మాతఁడే దయదలఁచి మన్నించుఁగాని
భావించి తనంతనైతే భవములఁ బాయఁడు
