ఈ పుట అచ్చుదిద్దబడ్డది
రేకు: 0201-01 మాళవి సం: 03-001 శరణాగతి
పల్లవి: ఇట్టి ప్రతాపము గల యీతని దాసుల నెల్ల
కట్టునా కర్మములెల్ల గాలిఁ బోవుఁ గాక
చ. 1: యెలమిఁ జక్రాయుధున కెదురా దానవులు
తొలఁగ కెందుచొచ్చినఁ దుండించుఁ గాక
ఇల గరుడధ్వజు పై నెక్కునా విషములు
కలఁగి నీరై పారి గాలిఁ బోవుఁ గాక
చ. 2: గోవర్ధనధరునిపై కొలుపునా మాయలు
వేవేలు దునుకలై విరుగుఁగాక
కేవలుఁ డచ్యుతనొద్దఁ గీడు చూపఁగలవా
కావరమై తాఁ దానె గాలిఁ బోవుఁ గాక
చ. 3: వీరనారసింహునకు వెరపులు గలవా
దూరాన గగ్గులకాడై తొలఁగుఁ గాక
కోరి యీ శ్రీవేంకటేశుఁ గొలిచితి మిదివో
కారుకొన్న పగలెల్ల గాలిఁ బోవుఁ గాక