ఈ పుట ఆమోదించబడ్డది
రేకు: 0233-03 గుండక్రియ సం: 03-188 శరణాగతి
పల్లవి:
నీవే యెరిఁగి సేయు నీ చిత్తము వచ్చినట్టు
తావులఁ గొసరేనన్నా తనివోదు నాకు
చ. 1:
హరి నిన్ను నమ్మితి నే నననెట్టు వచ్చు నాకు
ఇరవైన బుద్ధి నా ఇచ్చగాదు
వెరవున నొకటి నే విన్నవించెదనంటేను
సరి నీవు వెలిగాను స్వతంత్రుఁడఁ గాను
చ. 2:
యిట్టె నీపై భారము నే నెట్టు వేయఁగవచ్చు
పట్టి నీకుఁ బురుషార్థపరుఁడఁ గాను
గుట్టుతోడ నే నిన్నుఁ గొలువఁగఁ గొలువఁగఁ
యెట్టైనాఁ గానిమ్ము యెరఁగ నెవ్వరిని
చ. 3:
యింతటి దైవమవు ని న్నిఁక నెందు వెదకేను
చెంత శరణాగతుల చేతివాఁడవు
వింతగాదు నీకును శ్రీవేంకటేశ నాకును
అంతర్యామివి నీయానతిలో వాఁడను