ఈ పుట ఆమోదించబడ్డది
రేకు: 0232-06 శంకరాభరణం సం: 03-185 అధ్యాత్మ
పల్లవి:
కని గుడ్డును నదె విని చెవుడును నిదె
ననిచి జగత్తు నడచీనదివో
చ. 1:
వుదయాస్తమయము లొకదినముననే
యెదుటనె వున్నవి యెంచినను
యిదివో జీవులు యెంచక తమతమ-
బ్రదుకులు సతమని భ్రమసెదరు
చ. 2:
వెలుఁగును జీఁకటి వెసఁ గనుఁగొనలనె
నిలిచీ నూరక నిమిషములో
కలవలెనుండిన గతి సంసారము
బలువుగ సతమని భ్రమసెదరు
చ. 3:
కాంతలుఁ బురుషులు కాయ మొక్కటనె
పొంతనే పుట్టుచుఁ బొదలెదరు
యింతయు శ్రీవేంకటేశ్వరు మహిమలఁ
పంతము దెలియక భ్రమసెదరు
