ఈ పుట ఆమోదించబడ్డది
రేకు: 0232-03 మంగళకౌశిక సం: 03-182 శరణాగతి
పల్లవి:
ఇదె నీ కన్నుల యెదిటికి వచ్చితి
కదియుచు నెట్టయినఁ గావకపోదు
చ. 1:
పరమపురుష నీ భక్తి దొరకకే
యిరవగు జన్మము లెత్తితిని
హరి నీ కరుణకు నరుహము లేకే
దురితవిదుల సందులఁ బడితి
చ. 2:
జగతీశ్వర నీశరణము లేకే
వొగి సంసారపువురిఁ బడితి
భగవంతుఁడ నీ పదములు గనకే
తెగని పాపముల తీదీపు లైతి
చ. 3:
గోవిందుఁడ నినుఁ గొలువఁగ నేరకే
ధావతి యాసలఁ దగిలితిని
శ్రీవేంకటేశ్వర చేరి నీవు నా-
దైవమవుగాఁగ ధన్యుఁడ నయితి