ఈ పుట ఆమోదించబడ్డది
రేకు: 0228-03 దేవగాంధారి సం: 03-158 వైరాగ్య చింత
పల్లవి:
ఎందునైనా మీరఁబోతే నెవ్వరికి జవిగాదు
యిందరిలోఁ దన కొలఁ దెంచుకొనవలెను
చ. 1:
మంచితనమే వలె మాటలాడే యప్పుడెల్లా
కొంచికొంచి యుండవలె కోపపువేళ
వంచన యెప్పుడూ వలె వరుస ఘనులఁ గంటే
చంచలము మానవలె సతతము దేహికి
చ. 2:
భ్రమయకుండఁగ వలె పడఁతులఁ గంటేను
తమకించకుండవలె తన్నుఁ దిట్టితే
సుముఖుఁడై యుండవలె చూచినవారికి నెల్ల
అమరి యుండఁగవలె నన్నిటాను దేహికి
చ. 3:
కైవశమై యుండవలె ఘనపుణ్యములకెల్ల
దైవము నమ్మఁగవలె తనువెత్తితే
యీవల శ్రీవేంకటేశుఁడితనికే శరణని
భావించి బ్రతుకవలె పనివడి దేహికి
