ఈ పుట ఆమోదించబడ్డది
రేకు: 0227-01 దేసాళం సం: 03-150 కృష్ణ
పల్లవి:
పచ్చిదేరుచు నుట్ల పండుగాయను
గచ్చులకు గొల్లెతలు కాఁగిలించి పట్టగా
చ. 1:
పీతాంబరముమీఁద పెద్ద కిరీటముమీఁద
నేతిపాలచార లెల్ల నిండె నదివో
జాతి గొల్లెతల వుట్లు సారెఁ గోలలెత్తి కొట్టి
చేతులు చాఁచారగించి చిమ్మి రేఁగఁగాను
చ. 2:
సొరిది సొమ్ములమీఁద సోయగపు చెక్కులపై
పెరుగులు మీఁగడలు పేరుకొనెను
అరుదుగ వీధులను అందరి వుట్లు గొట్టి
దొరతనములతోడ దొమ్మి సేయఁగాను
చ. 3:
పూని శ్రీవేంకటేశుపై పొందెలమేలుమంగపై
తేనెలునుఁ జక్కెరలుఁ దెట్టెగట్టెను
నానావిధములను నడుమ నుట్లు గొట్టి
ఆనందాన నారగించి అలరుచుండఁగను