ఈ పుట ఆమోదించబడ్డది
రేకు: 0226-04 ఆహిరి సం: 03-147 పోలికలు
పల్లవి:
విన్నపము లేమి సేసే వేగినంతాను
మన్నించి రక్షించే నీ మహిమలే ఘనము
చ. 1:
నీవంక నేరమి గద్దా నేనే అపరాధిని
దేవ నే జడుఁడఁగాన తెలుసుకోను
వావాత మీగురుఁ డాడేవాక్యము నీయాధీనము
పావనమైన నీపలుకెల్లా సత్యము
చ. 2:
మంచితనమల్లా నీదె మాయదారివాఁడ నేను
చంచలుఁడఁ గనక వివా(చా?)రించుకోను
అంచల నీదాసుని ఆనతి యమోఘము
యెంచ నీవిచ్చిన వరమెం(మిం?)దుకంటే బలువు
చ. 3:
కరుణెల్లా నీసొమ్ము కఠినచిత్తము నాది
నరుఁడఁ గనక అట్టె యరసుకోను
పరగ మా జనకుని ప్రతిజ్ఞయు నీపంపు
నిరతి శ్రీవేంకటేశ నీపంతము సతము