ఈ పుట ఆమోదించబడ్డది
రేకు: 0225-04 వసంతవరాళి సం: 03-141 శరాణగతి
పల్లవి:
నారాయణుఁ డీతఁడు నరులాల
మీరు శరణనరో మిమ్ముఁ గాచీని
చ. 1:
తలఁచిన చోటను తానే వున్నాఁడు
వలెననువారి కైవసమెపుడు
కొలచెను మూఁడడుగుల జగమెల్లాను
కొలిచినవారిఁ జేకొనకుండునా
చ. 2:
యెక్కడఁ బిలి(చి)నా నేమని పలికి
మొక్కిన మన్నించు మునుముగను
రక్కసుల నణఁచి రక్షించు జగములు
దిక్కని నమ్మినఁ దిరముగా నేలఁడా
చ. 3:
చూచిన యందెల్ల చూపును రూపము
వోచికఁ (?) బొగడిన వుండు నోటను
యేచిన శ్రీవేంకటేశుఁడే యితఁడట
చేచేతఁ బూజింప సేవలు గొనఁడా
