ఈ పుట ఆమోదించబడ్డది
రేకు: 0223-04 కాంబోది సం: 03-129 అధ్యాత్మ
పల్లవి:
ఏడ పెద్దల మెట్టైతిమో మరి
తోడనే నవ్వేము దొరకొని మమ్మును
చ. 1:
పంచేంద్రియములఁ బట్టగ లేమట
యెంచఁగ వివేక మెన్నటికీ
అంచెల మమతల నణఁచఁగలేమట
పొంచిన బుద్దులు భువి నెన్నటికి
చ. 2:
వెడవెడ నాసలు విడువఁగ లేమట
యెడయని ధైర్యం బెన్నటికి
తొడుసగు బంధముఁ దుంచఁగ లేమట
బెడిదపు తనలో బిరుదెన్నటికి
చ. 3:
కామక్రోధములఁ గడవఁగ లేమట
యీమానుషములు యెన్నటికి
కామించ శ్రీవేంకటపతి గలఁడట
నేమపుతపముల నే మెన్నటికి
