ఈ పుట ఆమోదించబడ్డది
రేకు: 0223-01 సామంతం సం: 03-126 అధ్యాత్మ
పల్లవి:
ఒడఁబడఁ గదవో వో మనసా
పెడరేఁచి యతఁడే పెనఁగీఁ గాక
చ. 1:
అంతయుఁ జూచిన హరి సంకల్పమే
చింతలు సిలుగులు జీవులవి
భ్రాంతిపట్టి యిఁకఁ బదరఁగ నేఁటికి
చెంత నతఁడు దయసేసీఁ గాక
చ. 2:
ఘన విశ్వకుటుంబిని (?) కమలాక్షుఁడే
జననమం (మా?)త్రములే జంతులవి
గొనకొని యిందుకుఁ గోరిక లేఁటికి
వొనరించి యతఁడె వొసగీఁగాక
చ. 3:
సిరు లందించఁగ శ్రీవేంకటేశుఁడు
పరగు భోగములె ప్రాణులవి
మరుగక యీమేలు మఱవఁగ నేఁటికి
గరిమ నీతఁ డెపుడు గలిగీఁగాక
