ఈ పుట ఆమోదించబడ్డది
రేకు: 0220-05 ముఖారి సం: 03-112 కృష్ణ
పల్లవి:
ఆడరమ్మ పాడరమ్మ అందరు మీరు
వేడుక సంతసములు వెల్లవిరియాయను
చ. 1:
కమలనాభుడు పుట్టె గంసుని మదమణఁచ
తిమిరి దేవకిదేవి దేహమందును
అమరులకు మునుల కభయమిచ్చె నితఁడు
కొమరె గొల్లతలపై గోరికలు నిలిపె
చ. 2:
రేయిఁ బగలుగఁ జేసి రేపల్లెఁ బెరుగఁజొచ్చె
ఆయెడ నావులఁ గాచె నాదిమూలము
యీయెడ లోకాలు చూపె నిట్టే తనకడుపులో
మాయ సేసి యిందరిలో మనుజుఁడై నిలిచె
చ. 3:
బాలలీలలు నటించి బహుదైవికము మించె
పాలువెన్నలు దొంగిలెఁ బరమమూర్తి
తాళి భూభార మణఁచె ధర్మము పరిపాలించె
మేలిమి శ్రీవేంకటాద్రిమీఁద నిట్టె నిలిచె