ఈ పుట ఆమోదించబడ్డది
రేకు: 0220-01 గుజ్జరి సం: 03-108 శరణాగతి
పల్లవి:
అయ్యో సదా మత్తుఁడను హరి నీ దాసులు నన్ను
ఇయ్యెడనే దయఁజూచి యీడేర్చిరిఁ గాక
చ. 1:
తెగక కన్నులుమూసి దేహము మఱచేవాఁడ
నిగిడి దేవుఁడవని నిన్నెరిఁగేనా
తగఁ బసిఁడి చూచి నే ధర్మము మరచేవాఁడ
జగతి విజ్ఞానము సరవెరిఁగేనా
చ. 2:
వలచి సతులనేటి వలలఁ బడేటివాఁడ
మలసి తప్పించుక నీ మాయ దాఁటేనా
వెలయ నన్నీఁ జదివి వివేకమొల్లనివాఁడ
చలివాసి నీభక్తి చవిగొనేనా
చ. 3:
మించు సంసారము చొచ్చి మీఁదు దెలియనివాఁడ-
నంచ నీ వంతర్యామివని మొక్కేనా
యెంచక శ్రీవేంకటేశ ఇటు నన్ను నేలితివి
మంచిదాయ నిఁక నిది మానబొయ్యేనా